Gözlərimin işığında. şerlər

Vahid Çəmənli

Vahid Çəmənli son bir neçə ay ərzində yazdığı yeni şerlər toplusu ilə yenə də görüşünüzə gəlmişdir. Öz kitabını «Gözlərimin işığında» adlandıran müəllif, hər şerin üstündə gözlərinin nurunu qətrə — qətrə sərf etdiyinə, hər sözə, hər misraya böyük zəhmət sərf etdiyinə işarə edir.Vahid Çəmənli əmindir ki, bu şerlər kitabı oxucular tərəfindən sevinclə qarşılanacaq, sevilə — sevilə oxunacaq.

Zaman

Bu soyuq zamanı mən də görmüşəm.

Görmüşəm bahar da, payız da, qış da.

Dəli sevdalara könül vermişəm,

Parlayıb, yanmışam on altı yaşda.

Bir igid çıxmadı gücünə qarşı,

Fırlatdı, çax-çaxla o nəhəng daşı.

Üyütdü nə qədər ağıllı başı,

Sovruldu küləyə kəsək də, daş da.

Təxti — Süleymandan qalmadı bir iz,

Sındırdı nə qədər qamət, boyun, diz.

Sonda Əzrayılla qoydu üzbəüz,

Qurudu gözlərdən tökülən yaş da.

Vahid ustadından dərsi düz aldı,

Oxudu hikməti, xəyala daldı.

Kim getdi, kim qaldı, çətin sualdı?

Ömür də tükənir, ağıl da, huşda!

11.11.2018