Su üzərində bahar

Rəfail Alı oğlu Tağızadə

Kitabda şair, Rəsul Rza mükafatı laureatı Rəfail Tağızadənin şeirləri, «Adam Mitskeviçin xatirəsinə on nəğmə» və «Qara-qırmızı Xocalı» (Muğam üstündə oxunan ağı) poemaları yer alıb.

Şam tut gecəmə

Gecəmin halsız vaxtına

özünü tez yetir, mələk.

Qanadını sər üstümə

sən ruh kəpənəkləritək.

Aç evimin pəncərəsin

gecə baxışlar qaralır.

Gecənin qəmini çıxart,

gecə ömürlər daralır.

Səsi alınmış gecənin

içində sənsiz bitərəm.

Gözünü şam tut gecəmə,

gecədə azıb itərəm.

30.06.2017