Бизнес авылча. Рус-татарча

Рафига Альмухаметова

Автордан:Тормышыбызның көндәлек мәшәкатьләрен чагылдыручы юмористик шигырьләр укыр өчен кызыклы да, уйландыра да.Кайбер шигырьләрдә, бәлки, узегезне очратырсыз. Мин дә шунда: курешик!Редактордан:Телефонннан шигырь тыңлап көлеп аргач, шигырьләр күбәеп киткәч, бер сборник чыгарырга уйладым. Иң кызык китап!

Составитель Инсаф Альмухаметов

Редактор Инсаф Альмухаметов

Дизайнер обложки Рафига Альмухаметова

Иллюстратор Александра Тунгусова

© Рафига Альмухаметова, 2024

© Инсаф Альмухаметов, составитель, 2024

© Рафига Альмухаметова, дизайн обложки, 2024

© Александра Тунгусова, иллюстрации, 2024

ISBN 978-5-0065-1298-6

Создано в интеллектуальной издательской системе Ridero

Бизнес татарча

Шигырь язам иртән торгач:

Бизнес ясарга кирәк!

Башка эш таба алмагач,

Булыйм дим шагыйрь тизрәк.

Йөгерек-йөгерек уйлар килә:

«Мине яз, — да, — мине!» — дип.

Шигырь чыга ала-тилә…

Укыйлар: «Пешмәгән!» — дип.

Пешмәсә дә укыйлар ич:

Бастырыла hәр шигырь.

…Моңарчы авыр эш эшләп

Узган, әй, ярты гомер!

Казыдым, утадым, җыйдым…

Билем калды бөгелеп.

Физик көчләремне җуйдым,

Аттай эшкә җигелеп!

Укыдым, укыттым. Йөрдем

Төзәтәм, дип, дөньяны!

Аңлатты «төзәтмәүчелэр»:

«Көлдермәле! Син аны

Яза белсәң, — шигырь яз да,

Акча эшлә күп итеп,

Укырлык булса шигырең —

Безне яз, матур итеп!»

Күзем ачылгандай булды:

Җиңел, рәхәт эш таптым!

Күңелгә шигырьләр тулды,

Шуларны сезгә… саттым!