Бизнес авылча. Рус-татарча

Рафига Альмухаметова

Автордан:Тормышыбызның көндәлек мәшәкатьләрен чагылдыручы юмористик шигырьләр укыр өчен кызыклы да, уйландыра да.Кайбер шигырьләрдә, бәлки, узегезне очратырсыз. Мин дә шунда: курешик!Редактордан:Телефонннан шигырь тыңлап көлеп аргач, шигырьләр күбәеп киткәч, бер сборник чыгарырга уйладым. Иң кызык китап!

Менә нинди хайван ул

Түзеп буламы авылда

Чебен бызылдавына!

Мин түзә алмыйм, эч поша,

Аның «сыз-зылдавына».

Тидереп тә булмый, кусаң

Артыннан: «Сытам!» — диеп.

Яннарыңнан очып китә,

Суккычым калмый тиеп.

Бөтен бүлмәне әйләнеп,

Чебен куам: «Кая ул?»

Тавышы бар, ә үзе юк,

Менә нинди «хайван» ул!