Gecə xəyalları

Rəfail Tağızadə

«Gecə xəyalları» şair Rəfail Tağızadənin oxucularla üçüncü görüşüdür.Bu kitabda şairin şeirləri və məşhur polyak bəstəkarı Frederik Şopenə həsr olunmuş «Şopenin ürəyi» poeması yer almışdır.Kitab geniş oxucu kütləsi üçün nəzərdə turtulmuşdur.

Gözlərİndə bİr röya

Əllərində bir dəniz,

gözlərində bir röya,

yanağın bir ay kimi

işıq salır gözümə,

barmaqlarım dalğatək

telində dalğalanır,

saçının həzin mehi

üzümdə sığallanır,

mənə dikilən baxış

tökülür üz-gözümə

mehriban xəyal kimi,

durub baxıram sənə

dili donmuş lal kimi,

bir ömürlük arzular

damla-damla süzülür

o qönçə dodaqlardan

ürəyimə bal kimi

necə də gözəl həyat,

sığın bu sinəmə, yat.

19.11.2012